Тың эпопеясы




     Тың – дала дастаны, тың – ерлік пен елдіктің символы. Тың - қазақ елінің өміріндегі ең бір елеулі кезеңі, ел сүйсінген, ерен еңбектер жылдары. Алпыс жылдық ғұмыры бар бұл оқиғада дүние жүзілік өркениетте орын алатын еңбек майданында ерліктің үлгісін көрсеткен миллиондалған адамдардың тарихта қайталанбас үлгісі бар.Тың шежіресінің талай сын сағаттарын өз көзімен көріп, өз басынан кешіріп ыстық – суығына куә болғандардың, яғни тың және тыңайған жерді игеруде ерен ерліктің үлгісін көрсеткен тыңгерлердің еңбегін бүгінгі ұрпаққа насихаттау, халықтар достығын әңгімелеп, ізгі дәстүрге тәрбиелеу мақсатында №2 Облыстық әмбебап ғылыми кітапханасының оқу залының кітапханашыларының ұйымдастырумен  "Тың эпопеясы"деген тақырыпта тың ардагерлерімен кездесу кеші өткізілді. Бұл кеш тың және тыңайған жерлерді  игерудің 60 жылдығы мен Оразалы Қозыбаевтың 90 жылдығына арналды. Кешке қаламыздың тұрғыны, тың ардагерлері Ищутин Константин Иванович пен Жүргінбеков Айса Жүргінбекұлы қонаққа келді. Сондай-ақ, қаламыздағы Агро-техникалық колледжінің студенттері, Республикалық "Қазақ үні" газетінің қаламыздағы меншікті тілшісі Сүгірбай Әбдіхамитұлы да қаттысты.                                                                                  
    Кеш екі тілде мемлекеттік және орыс тілінде өтті. 1954 жылы басталған тың эпопеясының қыр-сырлары, сол жылдардағы атқарылған ұлы істер жөнінде баяндалып, экран арқылы бейне роликтер көрсетілді. Сонымен қатар Торғай тыңының негізін қалап, аяғынан қаз тұрғызған іскер де талапшыл, отанын шын сүйген патриот - Оразалы Әбілұлы Қозыбаевтің өмірі мен еңбек жолдары баяндалды. Қиындықтан қаймықпай Торғай тыңын игеріп, селеулі даланы астықты аймаққа айналдыруда аянбай еңбек еткен ардагерлеріміз өздерінің өмір жолдары мен тың игеру жылдары көрген қиындықтары, басынан кешкен қызықты оқиғалары жөнінде оқырмандарға әңгімелеп  берді. Сонымен қатар оқырмандарымыз кеш қонақтарына өз көкейлерінде жүрген сұрақтарын қойып, арнау өлең - жырларын оқып, ән шырқады.  Арқалық Мемлекеттік Институтының 3-курс студенттері Базарбай Анар мен Қаленов Бекболат тың туралы өлең-жырлар оқыса, Тойшин Нұрдәулет ардагерлерімізге арнап терме орындады.
Кеш соңында №2 ОӘҒК директоры Нұрманова Алма Жақсылыққызы ардагерлерді құттықтап, сыйлықтар табыстады.

Комментариев нет:

Отправить комментарий

Көпшілік іс-шара/Массовые мероприятия

Общее·количество·просмотров·страницы

Translate

Wikipedia

Результаты поиска