Салауатты өмір салты кемел жолдың бастауы

Өмір адамға табиғатпен берілген қымбат дүние.  Адам денсаулығының қымбаттылығын, бағалы байлық екенін айта отырып, жаман әдеттерге әуестенбей, жастарды дені сау, құрыш білекті, салауатты өмір салтын қолдайтын, Отанымыздың нағыз патриот азаматы болуға, өнегені өзге жұрттан емес, ата салт-дәстүрімізден іздегендері жөн екендігін насихаттау мақсатында  оқу залы кітапханашысы Шагирова Әсел Бейбітқызының ұйымдастыруымен "Салауатты өмір салты кемел жолдың бастауы" атты дөңгелек үстел болып өтті. Бұл отырысқа Арқалық қаласының нарколог дәрігері Молдашева Жанна Муканқызы және медбике қызметкері Рахимбаева Айнұр Ахметқызы және Ішкі істер басқармасы әйелдерді қорғау тобының аға инспектор, полиция-майоры Серікбаева Ақмарал Абзалқызы, сонымен қатар қаламыздың Н.Құлжанова атындағы педагогика колледжінің студенттері  бас қосты.

Дөңгелек үстел барысында қаралған сұрақтар:

1.     Денсаулықты  жоғалтып алмау үшін не істеуге болады ? Жалпы денсаулықты сақтау үшін қандай ережелерді орындау керек?

2.     Бүгінде салауатты өмірге кері ықпалын тигізетін жағымсыз әрекеттер не деп ойлайсыздар?

3.     Шылым шегу сәнге берілу ме, әдеп пе әлде ауру ма?

4.     Осы спиртті ішімдіктің адам денсаулығына және оның психикасына тигізетін қаншалықты зияны бар?

5.     Есірткі заттарды пайдаланғанда адам денсаулығына зияны және осы аурудан айығып кеткендер бар ма? т.б.  сауалдар аясында маман

дәрігерлер кеңес беріп, дәрістер оқыса, оқырмандар өз жүрек жарды ой-пікірлерімен бөлісті. Сонымен қатар экраннан  «Темекі зияны» , «Есірткі туралы ақиқат» деген бейне роликтер көрсетіліп, «Досым, саған арнаймын!»  көркемсөз оқылды. 33 оқырман қатысты.

22.10.2015 ж.